الأحد, أكتوبر 16, 2011
بالرغم من قيام الثورة ومشاركة اغلبية الشعب المصري الا ان الثورة وثقافة التغيير لسة موصلتش للمصريين كلهم بمعني اصح ان اغلب الناس في الدورة البرلمانية دي هتنتخب برده اللي هيديهم البطانية وزجاجة الزيت وال 50 جنيه لانهم ميعرفوش ان عضو مجلس الشعب ده بيبقي ليه عدد من الوحدات في المشروعات السكنية للشباب في المحافظة ده غير رحلات الحج والعمرة ونسبة الوظائف الخالية المفروض كل الحاجات دي تكون تحت خدمة اهل الدائرة لكن للاسف كل ده بيروح للحبايب واللي يدفع اكتر.
عشان كدة لازم قانون الغدر يطبق بسرعة علي فلول الوطني المنحل حتي لانجد انفسنا اما برلمان به بعض من الوجوه التي افسدت مصر ونهبت ثرواتها وكانت سبباً في تراجع مصر.
ولا ينبغي ان يشمل قانون الغدر الحرمان من مجلس الشعب بس لأ لازم يشمل الحرمان جميع المناصب والمسؤليات الحكومية لان الفلول دول عاملين زي السرطان طالما دخلت رجلهم في مكان هيفسدوه وينهبوه بالكامل.
وبالاضافة لقانون الغدر يجب علي الحركات والقوي السياسية الوطنية توعية جميع المواطنين ايه هي مواصفات عضو مجلس الشعب وانهم ينتخبوا الشخص اللي هيمثلهم ويخدمهم بجد مش يديهم الزيت والبطانية وبعد ماينجح ميشفوش خلقته تاني
التصنيفات: المجتمع
1 التعليقات:
ارجوا من الشعب المصري الابي ان يعطي صوته لمن يستحق عن جدارة و استحقاق من اجل بناء دولة الحق و القانون التي ستصون لهم حقوقهم و تؤمن لهم كل مقومات العيش الكريم
اتمنى لكم ان يعم و طنكم العزيز الرخاء و الادهار ..
إرسال تعليق