الثلاثاء, ديسمبر 28, 2010
الحمد لله بعد التصريحات الروعة اللى صدرت عن الاستاذة وزيرة القوى العاملة واللى هى كالتالى
وجهت عائشة عبد الهادى، وزيرة القوى العاملة والهجرة، دعوة صريحة لخريجى الكليات النظرية كالآداب والحقوق للعمل كـ "أفراد أمن" بالمولات التجارية، لأن "هذا هو المتاح"
طبعا بعد التصريح ده اطمنت على مستقبل ولادى جدا انى بعد ما اصرف عليهم واعلمهم واكبرهم ان ابنى خريج الكلية صاحب الشهادة العليا يتشغل فرد امن وماله وممكن عامل نظافة كمان مش عيب والله بجد مش عارف اقول ايه بعد الكلام ده بس بجد حاجة تكسف كل اللى اقدر اقوله انه تصريح مستفز جدا مادام مش هتشغلوهم وان مفيش وظائف ليهم طب قبلتوهم ليه فى الكليات دى ليه مخلتوش الكليات دى تقبل عدد محدد ليه تخلوا الشباب يجيلها عقدة نفسية لما هو تعب وطلع عينه فى الثانوية العامة وقرفها وفى الاخر يبقى هو واللى مش واخد شهادة واحد وفى الاخر مفيش كلمة اقولها غير كلمة واحدة
عجبى
التصنيفات: الحال المايل
0 التعليقات:
إرسال تعليق