الخميس, فبراير 17, 2011
انهاردة بقرأ الاخبار اليومية فوجدت خبر يحرق الدم وينرفز وينقط ويرفع الضغط وكل حاجة ممكن تموت.
قال ايه:
جمال مبارك يدرس رفع دعاوى قضائية ضد الصحف والقنوات الفضائية التى تقوم ببث ما
اعتبرها أكاذيب ضدهم وبالأخص خلال الفترة الماضية والتى أدت إلى إساءة
لتاريخ والده فى مصر وأمام العالم ككل.(المصدر اليوم السابع)
ها اتحرق دمكم .بعد كل اللى حصل واتقال لسة متهدش ولسة فاكر نفسه ابن الرئيس!!!! طيب طالما من حقه يرفع قضية ويحاسب المخطئين فى حقهم يبقى احنا كمان من حقنا نرفع قضية عليه وعلي ابوه وامه واخوه وصحابه ونحاسبهم على اللى انتم عملوه فى البلد والخراب اللي وصلوا البلد اليه.
ده بدل مايحمد ربنا ان احنا سايبنهم يقعدوا فى مصر اساسا لحد دلوقتي بس هنقول ايه بقى "ان لم تستحي فافعل ماشئت"
وبدل مايطلع يقول احنا هنرجعلكم فلوسكم اللى انا سرقتها انا وابويا يطلع يحرق دمنا بكلامه فعلا "البجاحة ليها ناسها"
كلمتين وبس الى جمال مبارك:
ان كنت تتبع مبدأ "خدوهم بالصوت قبل مايغلبوكم" احب اقولك انسي وان شاء الله هناخد حقنا منكم واحنا مستغربناش على فكرة التصريح ده يطلع من واحد زيك عارف ليه لأن "كل اناء ينضح بما فيه"
التصنيفات: الحال المايل
2 التعليقات:
سلام اخي الكريم
هذا الكلام الصادر عن هذا الشخص لا محل له من الاعراب فقط اعتبرها شطحات اعلامية لا اقل و لا اكثر
@حمزة بنعلي الادريسي
اصله حرق دمي بعد كل اللى عمله هو وابوه فى مصر ليه عين يتكلم اسعدني مرورك
إرسال تعليق