لاتحمل هم المعاكسات

الأحد, ديسمبر 26, 2010 لا توجد تعليقات

وانا فى رحلة كدة سريعة فى الانترنت وخاصة على الفيس بوك لاقيت توبيك حلو قوى عجبنى بعنوان


ازاى تعاكس بنت
لو شايف واحدة فى الشارع جميله اوى وانت مش عارف تدخل عليها ازاى.....(استهبل)خش عليها بتقل وبابتسامة لطيفة واتكلم كأنك بتتكلم بجد وقولها مثلا ((لو سمحتي هي صيدلية ابوتريكة للاجهزة المنزلية فين؟؟))هترد بحاجة من اتنين.....يأما (معرفش )....يأما (احنا هنهزر ) .......لو قالتلك معرفش

قولها ....لية هو انتى مش من هنا ....هتقولك لأ قولها امال منين؟؟؟بهبل كدةهتقولك من كذا....قولها اهلا بيكى انا فلان الفلانى وفى كلية كذا اصل انا من هنا وكنت بستهبل علشان اتعرف عليكى .......وهزر بقى ودوس يا معلم...اما بقى لو قالتلك ((احنا هنهزر ))

قولها ((لا والله اصل انا قلبى تعبان اوى ومش عارف الصيدلية دى فين ))هتقولك ((طيب روح دور عليها بعيد يا حبيبى )) انت بقى هتقولها ((ما هما قالولى ان هى هنا فى الحتة دى فقلت اجى اسألك))

هتقولك حاجة من اتنين....يأما ((معرفش هى فين )) ودى قولنا هترد عليها ازاى.....يأما هتقولك ((يعنى حبكت هنا جمبى ))

انت هتقولها بقى ((ما هما قالولى هناك كدة هتلاقى واحدة زى القمر وعسولة وطيبة اوى هى اللى هتدلك يأما لو بصيت لعنيها شوية ممكن تخف<ملحوظة رفيعه..البنات بتموت فى التسنيج يعنى حاول تزود على قد ماتقدر مع شوية رومانسية كدة جميلة > هتقولك(( يا سلام هما مين دول بقى اللى قالولك كدا)) هتقولها ((قلبى وعنيا وعقلى كلهم بيشاورو عليكى )) هتبتسملك ابتسامة لطيفة كدة.....دوس بقى يا معلم

<اهم حاجة تكون رايح عليها وانت حاطط فى دماغك انك هتكلمها يعنى هتكلمها......ومتنساش تاخد النمرة قبل ما تمشى يأما كأنك معملتش اى حاجة خــــــــــــا لص

لو اتضربت او اتهزأت متشيلش في قلبك ولا تقول كرامتي لالالا حاول مره تانيه لو فشلت بقي روح اتنيل ادخل البيت من بابه واتجوز انت ايه يا اخي معندكش اخوات بنات؟؟


التوبيك عجبنى وكل حاجة بس دار فى دماغى سؤال عايز اقوله  الى الشخص اللى مألف التوبيك ده (تخيل لو اختك اللى اتقال لها الكلام ده)

وعجبى

التصنيفات: ساعة لقلبك