الأحد, ديسمبر 26, 2010
هاتوا الشاى بقى عشان القعدة هطول انهاردة وانا ماشى فى الشارع عينى بتقع على بعض من البنات اللى بيجذبونى مش من جمالهم لأ من غرابة ملابسهم وخاصة الحجاب الاقى بنت عاملة الحجاب شداه على شعرها جامد ورابطاه من وراء والاقى بنت تانية رابطة الحجاب بس مخرجة نصف شعرها من قدام والا بنت حاطة هدومها كلها تحت الحجاب ايوة والله بالقى بنت دماغها قد المخدة مش عارف تقريبا بتبقى بردانة ولا ايه واشكال غريبة وانواع اغرب من الحجاب صينى واسبانى وتركى هههه الا التركى ده كمان حكايته حكاية من ساعة المسلسل بتاع الولد مهند والبنت نور وبيقولوا ان مهند اعطى نور هدية حجاب ومن ساعتها اسعار الحجاب التركى ولعت والله احنا شعب غريب المهم احكلكم شوية حكاية على السنة بعض البنات
بنت 1
البنت بتقول لك اهلى فى البيت عايزينى اتحجب وانا عايزة ابقى استايل فجبت حل بين البينين
بنت 2
الحجاب "فرض اجتماعى أكثر منه فرضا دينينا، فالمجتمع يفرض عليك الحجاب، حتى ولو لم ترغبى فيه" وانا كنت فى الكويت وخدت على شكل الحجاب الكويتى شكله شيك ومش بلدى غير إنه مبيغطيش الرقبة ومبيجبش الحر حلوة دى ممكن يخترعوا حجاب بتكييف عشان الحر
وغيرهم كتير
اسمعوا بقى القصة دى قبل ما اخش فى انواع الحجاب
مديرة مدرستها استدعت أحد أولياء الأمور بعد، استدعت ابنته، والتى لفت نظر مديرة المدرسة تضخم رأس ابنته فجأة، فاكتشف أن آخر التقاليع هو ارتداء أكثر من طرحة أو إيشارب فوق بعض على شكل طبقات، ليكبر من شكل الرأس، وقد أمرتها المديرة أن تخلع الطرح ووافقت على مضض، ليصل عدد الطبقات إلى 14 طبقة أى أربعة عشر إيشارب فوق بعضهم البعض تخيلوا!! أشياء غريبة وتحايل أخطر. دى بقى اكيد بردانة انا نفسى اسأل سؤال هى بتسمع ازاى
نخش بقى فى انواع الحجاب
حجاب سهير رمزى
الحجاب الكويتى
الحجاب الإيرانى «الشادور أو الإسدال»
الحجاب «المنفوخ»
الحجاب أبوطاقية أو «شابوه»
الحجاب الإسبانى «الحجاب اليهودى»
الحجاب «أبوخصلة»
الحجاب التركى
وعجبى
التصنيفات: الحال المايل
0 التعليقات:
إرسال تعليق