غاز وسكر ... ناقص الشاى

الأحد, يناير 09, 2011 لا توجد تعليقات

طبعا انتم مستغربين من عنوان التدوينة بس لما تشوفوا الخير هتفهمو الاول نشوف الخبر نقلا عن جريدة اليوم السابع بتاريخ السبت، 8 يناير 2011 - 15:29

تقدم النائب رجب هلال حميدة بياناً عاجلاً اليوم السبت، إلى المهندس رشيد محمد رشيد وزير التجارة والصناعة ووزير الاستثمار، حول قيام الحكومة بتصدير 55 ألف طن سكر إلى إسرائيل، فى الوقت الذى يعانى فيه المواطن المصرى من الحصول على مستلزماته من السكر، مما أدى لارتفاع سعره بكل المحافظات.

الصلاة على النبى احنا طالع عينا عقبال ما نشترى كيلو سكر والكيلو بالشئ الفلانى ورايحين نصدره كمان الى اسرائيل زى ماتكون اسرائيل دى كاسرة عينا بحاجة ودونا عن الدول كلها منلاقيش الا الصهاينة ولاد الكلب دول عشان نصدرلهم  وعشان نتم جميلنا بقى
 فأنا ناوى ان شاء الله اتقدم باقتراح بتصدير الشاى عشان يبقى غاز وسكر وشاء عشان تبقى احلى كوباية شاى يطفحوها بالسم ولا الكلب

وعجبى

التصنيفات: الحال المايل