• Blogger templates

      .

      السبت، 8 يناير 2011

      وبعد الخناقة يا أفندية؟

      السبت, يناير 08, 2011 تعليق واحد



       كتير وانا ماشى فى الشارع الاقى مثلا سواق عربية خبط فى عربية سواق  تانى يقوموا بقى الاتنين ينزلوا (وويك ويك ويك ياولود كذا وياولود كذا) واخر بهدلة ومش عارف انا اخر الخناق ده ايه قمت دخلت فى مرة خناقة من دى احوش بينهم المهم قلت للراجل اللى اتخبط ياعم الراجل اللى خبطك بيقولك معلش يقولى اعمل ايه انا يعنى بالاسف وبكلمة معلش دى اروح للراجل اللى غلطان طب ياعم ممكن تصلح عربيته على حسابك يقول لى ماشى مفيش مشكلة اروح اقول للى اتخبط هو هيصلح العربية بتاعتك على حسابه يقولى انا مش بقبل العوض الله!!! اومال انت عايز ايه ياعم الحاج انت بتقولى انا مش عايز حاجة اومال بتتخانق ليه مع الراجل من الاول يقولى مش حقى 
      قلتله لأ طبعا مش حقك الراجل اتأسفلك مقبلتش اعتذاره عرض انه يصلح العربية على حسابه قلت مش بقبل العوض يبقى حقه هو اللى يتخانق معاك مش انت! الراجل  اللى غلطان بقى سمع الكلمة دى واتحجج وقام صارخ وقال لى تقول ايه يا استاذ ناس بهايم بعيد عنك
      وقامت الخناقة تانى وجيت اخلص تانى كنت هاتضرب ومن ساعتها لما الاقى اى خناقة مش بدخل احوش عارفين ليه!!
       لانى صدقت المثل اللى بيقول
      ماينوب المخلص الا تقطيع هدومه

      وعجبى 

      التصنيفات: ,

      كاتب الموضوع

      بقلم محسن

      واحد من الناس اهتم بالأدب الساخر والتصوير الفوتوغرافى,اؤمن بمقولة ((انا ادون اذن انا موجود)) ,همي الاول بلدي, ارفض ان اكون شيطان اخرس ولا اخشي احد سوي الله,يمكنك متابعتي عبر تويتر 3m_mo7sen@ .

      شارك أصدقاءك

      1 التعليقات:

      تدوينة جميلة.. اتمنى لك الاستمرار في التدوين الراقي و الهادف..
      اخوك هشام من المملكة المغربية..

      إرسال تعليق

      حرية النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة

      اشترك في القائمة البريدية

      لا تنسى تأكيد الأشتراك من الرسالة التي ستصلك