الزبال الصينى

الأربعاء, يناير 19, 2011 لا توجد تعليقات

كالعادة طبعا حال مايل اخر من ضمن باقى الاحوال المايلة فى المجتمع الاول نبص بصة على الخبر اللى معانا

محافظ السويس يستقدم عمال نظافة من بنجلاديش بـ 1500 جنيه شهريا

وقع  محافظ السويس محمد سيف الدين جلال على قرار استقدام 200 عامل نظافة من بنجلاديش مقابل 1500 جنيها شهريا لكل عامل وقال محافظ السويس في جلسه المجلس المحلى بتاريخ 11 / 1 / 2011 إن السبب الرئيسي لاستيراد هؤلاء العمال هو عدم وجود عمال نظافة في المحافظة .. وصرح إن السيدة عائشة عبد الهادي وزيره القوى العاملة وافقت على طلب 100 عامل حتى الآن.

صلاة النبى احسن ايه رأيكم طب خدوا بقى اللى جاية

عضو يسأل جلال :طيب وشباب السويس يروح فين ..فيرد : “دول مش بتوع شغل” 

اوعى وشك يا معلم الشباب مش بتوع شغل طيب انا معاك يا حضرة المحافظ المحترم ان شباب السويس مش بتوع شغل شباب القاهرة بلاش شباب بورسعيد شباب دمياط هتقولى دول كمان مش بتوع شغل هقولك والله والله والله بكالوريوس هندسة وشغال الشغلانة دى بس كلف خاطرك انت واعمل اعلان فى الجرايد وشوف كم الشباب اللى هيجيلك ولا احنا زى القرع نمد لبرة والمصحف الشباب مستعد يشتغل اى شغلانة ب 600 جنيه مش ب 1500

انا عندى اقتراح يا سعادة المحافظ ايه رأيك نجيب  الزبال الصينى زبال زى الفل اى نعم بيبوظ بسرعة بس عملى وتكلفته قليلة 500 جنيه بس 
وغير كدة قطع غياره متوفرة فى السوق المصرى بكثرة 

وعجبى

التصنيفات: الحال المايل