الثلاثاء, يناير 18, 2011
انتشرت فى الفيس بوك ومصر كلها حملة تدعو الى خروج مصر كلها فى ثورة هذه الثورة تحت عنوان (الثورة على التعذيب والفقر والفساد والبطالة)
حيث كانت مقدمة هذه الدعوة الذى كان الجروب الذى دعا اليها هو جروب الشهيد الذى طالب من الشعب المصرى كله ان ينزل الى الشارع لكى يحرر مصر والدعوة كالتالى
لو خايف على مصر .. لو عايز حقك .. انضم لينا .. وشارك وكفاية سكوت بقه لحد كده...احنا مش أقل من تونس .. نزل عشرات الآلاف جابوا حقوقهم كلها ووصلت لدرجة إقالة رئيس الجمهورية وهروبه من البلد .. احنا عايزين حقوقنا ..مش عايزين بطالة وطوابير عيش وطوابير أنابيب وشباب مش لاقي يتجوز .. في نفس الوقت اللي فيه حرامية في بلدي بيسرقوا المليارات ويهربوا .. وبيشتروا أراضي ومصانع الشعب برخص التراب...عايزين اللي قتل خالد سعيد يتعاقب واللي قتل السيد بلال يتعاقب واللي اتسبب في موت المصريين في اسكندرية ونجع حمادي يتعاقب وعايزين وزير الداخلية يستقيل .. عايزين أي شخص عذب مصري يتحاكم .. عايزين قانون الطوارئ يتلغي .. مش عايزين قمع في مصر .. عايزين نكون أحرار...عايز أعرف أعبر عن رأيي في بلدي .. عايز مخافش من أمن دولة ولا ضابط شرطة .. عايز يتم معاملتي بآدمية واحترام بغض النظر عن جنسي ولا لوني ولا ديني ولا حالتي المادية...يللا يا شعب قوم وفوق!...يوم 25 يناير لازم نوري العالم كله إننا مش شعب خانع ولا شعب جبان
هل عدوى تونس انتشرت فى الدول العربية وخاصة بعد قيام 5 اشخاص بحرق انفسهم فى مصر ووفاة احدهما ويدعى احمد هاشم السيد 25 سنة وهو عاطل
مطالبنا الأساسية:أولا: رفع الحد الأدنى من الأجور لـ 1200 جنيه عملا بأحكام القضاء وصرف إعانات للعاطلين عن العملثانيا: إلغاء العمل بحالة الطوارئ وإقالة وزير الداخلية وإخراج كل المعتقلين بدون أحكام قضائيةثالثا: حل مجلس الشعب وإعادة الانتخابات مع ضمان نزاهتها وتعديل الدستور لمنع ترشح أي رئيس لأكثر من فترتين رئاسيتين
كما طالب القائمين من المصريين ان ينزلوا وان يرسلوا الى اصدقائهم وتوعية الناس لهذا اليوم
شكلها هتبقى ثورة بجد
التصنيفات: المجتمع
0 التعليقات:
إرسال تعليق