السبت, فبراير 05, 2011
نشرت جريدة ABC تقريرا موسعا عن ثروة مبارك وعائلته وقدرت بين 40-70 مليار دولار 70 مليار دولار وشعبك مش لاقى ياكل 70 مليار دولار ومش لاقيين رغيف العيش 70مليار دولار وبتتسول على بلدك لما الديون غرقتنا وطبعا احنا كنا عارفيين ان بيل جيتس اغنى رجل فى العالم بمبلغ 55 مليار دولار لكن بعد التقرير ده فان مبارك يعد اغنى رجل فى العالم ولسة فيه ناس بطالب ببقاؤه حتى نهاية المدة وكمان معظم المبالغ دى فى شكل عقارات يعنى قابلة للزيادة فى اى وقت والعقارات دى مش فى مصر على فكرة عارفين دى فين
- لندن
- باريس
- مدريد
- دبي
- واشنطن
- نيويورك
- فرانكفورت.
وتشير التقارير إلى أن نسبة الشباب تحت سن 25 عاماً في مصر تبلغ 52%، ومن بينهم 25% عاطلون عن العمل.
سكرين شوت للمقال من موقع الجريدة
ها لسة عايز تقعد فى بيتك لسة عايز مبارك يكمل لنهاية المدة والله يبقى عيب عليك
التصنيفات: الحال المايل
5 التعليقات:
انا عاوز اعرف انت جبت منين المعلومات المؤكدة ان مبارك عندوا الثروات ديت كلها هو وعائلتوا ؟؟؟
@غير معرف
خش على موقع جريدة ABC وانا ذاكر المصدر أول المقال
"شرت جريدة ABC تقريرا موسعا"
@غير معرف
حاططلك سكرين شوت للمقال من الموقع الاصلى
هى عادتنا والا حنشتريها
انا راجل عجوز وسمعت الكلام دة اربع مرات فى حياتى
1-الملك فاروق طلع بصناديق دهب ومجوهرات
فى الاخر عاش هو وعياله واخواته وامه عيشه ضنك
2-رجالة المشير عبد الحكيم مهربين شنط دهب ومجوهرات وفلوس
دة بعد1967 وبغدين ماتعرفش
3-السادات ورجالة عصرة سرقوا البلد ونهبوها
ومراته فى الاخر بتشتغل مدرسه فى جامعه ومش باين عليهم حاجه
4-جة الدور على حسنى يمكن علشان ما ردش غيبة السادات
لكن لازم نبقى حذرين شويه من المصادر الخارجيه دى مش قرأن ياجماعه
معظمها صحف تابلويد وفضائح او لها اهداف تولع البلد وتخلى الناس تمسك فى الفاضيه والمليانه وما تشتغلش
والله العظيم ما انا مصدق الكلام دة
@غير معرف
طب ماهو فيه وثائق على النت من البنوك متسربة عن طريق ويكليكس تثبت ذلك المشكلة ان احنا فى 2011 مفيش حاجة بتستخبى والدليل على كدة ويكيليكس غير زمان ايام فاروق وعبد الحكيم عامر والسادات
إرسال تعليق