الأحد, أبريل 03, 2011
من أجل عودة الرئيس المخلوع مبااااارك واسقاط حكومة شرف وعودة حكومة شفيق وعارفين الحملة عنوانها ايه "كلنا هننزل وهنرجع الريس 25 إبريل وهيبقى وسطنا يوم عيد ميلاده 4 مايو" وقالوا كمان أنهم لن يطالبوا بعودة "مبارك" إلى ما شاء الله، ولكن لفترة انتقالية حتى انتخابات نزيهة تأتى برئيس منتخب ولقد اشار الاسفين ايضا أنهم سيقومون بعمل حملة إعلامية ضخمة لـ"مليونية عودة مبارك" على القنوات الفضائية.
طبعا الخبر ده مالوش غير كلمة واحدة "حمراااااااااااااااا"
مبارك اللي احنا لما صدقنا انه رحل في داهية وبقينا احرار ودفعنا ثمن الحرية دي دماء حوالي 1000 شاب من خيرة شباب مصر يجي شوية مرضي بمتلازمة ستوكهولم سندروم يقولوا عايزينوا يرجع تاني.لأ وكمان عايزين يسقطوا حكومة شرف "الشريف" ويرجعوا حكومة شفيق مرة تانية "طبعا ماهو من ريحة الحبايب" طب استنوا اما تشوفوا شفيق هيحصل معاه ايه في النيابة يا موكوسين.
انتوا عارفين اكتر حاجة ضحكتني ايه "التجمع المليوني" تخيلوا ال 500 نفر بتوع ميدان مصطفي محمود هيعملوا مليونية انا اتحداهم ان فيه مليون في مصر عايزين حسني مبارك يرجع ولا كانوا اساسا بيطيقوا مبارك.
طبعا الامر واضح جدا ومش محتاج تفسير وللاسف هما لسة فاكرين الشعب اهبل وممكن يصدق كلامهم بس احنا مستنين يوم 25 ابريل عشان نضحك D:
وعجبي
التصنيفات: الحال المايل
0 التعليقات:
إرسال تعليق