الأحد, أبريل 10, 2011
بعد غيبة عن التدوين نتيجة ظروف سيئة كنت امر بها بعد وفاة عمي"رحمه الله هو وابي"عدت لاواصل الكتابة مرة اخري
فوجئنا اليوم بتسجيل صوتي للرئيس الخلوع مبارك علي قناة العربية اجرته معاه امس ويمكنك سماعه من الفيديو التالي:
بداية الحديث طبعا سهوكة عشان يصعب علي الناس وطبعا كالمعتاد المخلوع يدافع عن نفسه وان كل ما نسمعه هو حملات تشويه له ولاسرته ولكن احب اقولك يا مبارك ان الايام هتثبت مين اللي نهب البلد وسرقها وكالمعتاد برده يذكر لينا تاريخه العسكري اللي قرفنا بيه علي اساس انه محدش له تاريخ عسكري غيره وبعدين تاريخك العسكري انت اللي محيته بظلمك وجبروتك وسرقتك للبلد
وبعدين مش سيادتك اللي اتنحيت بمزاجك انت اتنحيت بعد ما الجيش والشعب اجبروك وبعد ما حيلك والاعيبك القذرة خلصت وبعد ما قتلت اكثر من 1000 شاب من خيرة شباب مصر
وبالرغم ماتم كشفه من فساد بعد رحيلك مازالت تردد اسطوانة النزاهة والشرف علي لسانك فكرتني بتوفيق الدقن لما كان بيقول "احلي من الشرف مفيش يا اه اه"
وبالرغم ماتم كشفه من فساد بعد رحيلك مازالت تردد اسطوانة النزاهة والشرف علي لسانك فكرتني بتوفيق الدقن لما كان بيقول "احلي من الشرف مفيش يا اه اه"
وبعدين انت لو كان معاك الحق ضد الناس اللي انت بتقول انهم بيشوهوا سمعتك كنت رديت عليهم لكن انت مش معاك الحق انت بتحاول تكسب استعطاف الناس بأي طريقة
وكمان نكتة انك متملكش اصول برة مصر علي اساس ان احنا هبل وبريالة يعني، طب فسرلي بقي الخبرين دول
وكمان نكتة انك متملكش اصول برة مصر علي اساس ان احنا هبل وبريالة يعني، طب فسرلي بقي الخبرين دول
اظن ان الناس مش هتجمد اصول وهمية ليك يعني يا مبارك مش هيقولوا كدة الا لما يكونوا واثقين ان ليك حسابات عندهم ولا ايه؟
وبعدين انت بتقول ان اموال علاء وجمال فوق الشبهات صح بأمارة تقرير النيابة في قضية «المغربي وفضلي» عن علاء ابنك لما النيابة قالت عليه "لص" وبعدين لسة لما نشوف جهاز الكسب غير المشروع هيوصل لأيه مع جمال ابنك
والله يا مبارك انا مستغرب المفروض اللي زيك مايكونش ليه عين يواجه الناس بس نقول ايه بقي زي مؤيديك بالضبط.انتوا الاتنين مش بتتكسفوا
وكالعادة يا مبارك خطابك دايما بيزود كرهنا ليك ودائما انت الخسران بخطاباتك العقيمة فقد بدأ آلاف من المصريين في التوافد إلى ميدان التحرير رداً علي خطابك يعني ماكنت تتمناه انت واللي كاتبلك الخطاب عمره ما هيتحقق وكمان النائب العام قال "أن كلمة مبارك لقناة العربية، لن تؤثر على سير التحقيقات، والإجراءات التي ستتخذها النيابة لتحقيق في الوقائع، وان التحقيقات معه، سوف تتتناول مدى صلته بالاعتداء على المتظاهرين وسقوط قتلى وجرحى في التظاهرات السلمية منذ يوم 25 يناير وأكد النائب العام أن الإتهامات تتعلق بالاستيلاء على المال العام واستخدام النفوذ والحصول على منافع وصفقات مختلفة" يعني انسي فكرة المسامح كريم يا مبارك حتي لو سامحنا في حقنا وده بعيد عن عينيك طبعا، مش هنسامح في حق الشهداء
وكالعادة يا مبارك خطابك دايما بيزود كرهنا ليك ودائما انت الخسران بخطاباتك العقيمة فقد بدأ آلاف من المصريين في التوافد إلى ميدان التحرير رداً علي خطابك يعني ماكنت تتمناه انت واللي كاتبلك الخطاب عمره ما هيتحقق وكمان النائب العام قال "أن كلمة مبارك لقناة العربية، لن تؤثر على سير التحقيقات، والإجراءات التي ستتخذها النيابة لتحقيق في الوقائع، وان التحقيقات معه، سوف تتتناول مدى صلته بالاعتداء على المتظاهرين وسقوط قتلى وجرحى في التظاهرات السلمية منذ يوم 25 يناير وأكد النائب العام أن الإتهامات تتعلق بالاستيلاء على المال العام واستخدام النفوذ والحصول على منافع وصفقات مختلفة" يعني انسي فكرة المسامح كريم يا مبارك حتي لو سامحنا في حقنا وده بعيد عن عينيك طبعا، مش هنسامح في حق الشهداء
وان شاء الله ربنا هينتقم لنا منك واسرتك ويرجعلنا حقنا وحسبي الله ونعم الوكيل
التصنيفات: الحال المايل
3 التعليقات:
« إن للَّه مَا أَخَذَ ، ولهُ مَا أعْطَى ، وكُلُّ شَيْءٍ عِنْدَهُ بأجَلٍ مُسمَّى ، فلتصْبِر ولتحْتسبْ » ان لله و ان اليه راجعون
الله يسكنه فسيح جناته ويرحمه برحمته, عظم الله اجرك
@حمزة بنعلي الادريسي
جزاك الله اخي حمزة ربنا يرحم جميع اموات المسلمين
إنا لله و إنا إليه راجعون
-----------
و لمبارك : لا تعليق
إرسال تعليق