الرسالة الاخيرة الي كريم حسين ادمن صفحة "انا اسف ياريس"

الخميس, مايو 05, 2011 16 تعليقات

السلام عليكم ورحمة الله وبركاته 

هذه هي رسالتي الاخيرة للمدعو كريم حسين ادمن صفحة "انا اسف يا مخلوع" كنت قد قولت انه ليس من الطبيعي ان يوجد هناك شخص يؤيد مبارك بعد كل ذلك ومن يفعل ذلك اما انه فاسد ومنتفع من ذلك النظام الفاسد او جاهل سياسياً,ففي الحقيقة الرغبة في الشهرة وحب الفساد وعشق العبودية والجهل السياسي كلها اسباب قد تجعلك تؤيد المخلوع وتتأسف له.
وقولت ايضا ان كريم حسين في الحقيقة لا يدافع عن شخص المخلوع فقط وانما هو ضد الثورة تماما وسوف اوضح لكم كيف ذلك:- في حوار اجرته شيرين أبوشعيشع مع كريم حسين ادمن صفحة انا اسف ياريس في موقع بوابة الشباب التابع لجريدة الاهرام بتاريخ 19-02-2011
في الحوار فوجئت بهذا السطر "فكرت فى مسيرة سلمية محترمة يوم 26 يناير .. فأنا كنت أعرف ما الذي سيحدث وكنت مع التغيير بشكل كامل ، لكن فى نفس الوقت مع إحترام الكبير"

"كان مع التغير بشكل كامل"

خلوا بالكم معايا من اللي قاله ونشوف بقي اللي البيه بيكتبه علي الصفحة بتاعته علي الفيس بوك

• "أنجاز اخر من انجازات الثورة..............ولسة" تهكما منه علي الثورة
• "هذة هيا الحرية و الاخلااق بعد نكسة 25 خساير ..عايز حقك؟ هات شوية معاك من صحابك و انزل كسر و اشتم و اضرب علشان تاخد حقك"
• "كل ما يحدث الآن فى مصر لآنكم لم تحترمو كبيركم ورمزكم .. فعمت الفوضى وزادت الآحتجاجات وأصبح الكل لا يحترم صغير ولا كبير وهذه أحدى أنجازات الثورة "
• "بلطجية التحرير يتهجمون على مؤيدين الرئيس مبارك أمام ماسبيرو بالطوب والحجاره هذه هى الثورة والديموقراطيه والحريه أنها ثورة العار والبلطجه .. بعد قليل الصور والفديو"
• "لكل من ظلم و اهان الرئيس وزوجتة سوزان مبارك..قريبا اول اغنية لسيدة مصر الاولى التى نثق فى اخلااقها و نزاهتها"
• "واضح أن كل اللى بيتحولو للتحقيقات هما اللى بينصفو الرئيس محمد حسنى مبارك"
• "بعد أن حملتم الرئيس مبارك كل مصائب مصر وكأنه كان لوحده السبب فى كل شىء فماذا بعد مبارك ؟ ومن المسئول من بعده ؟ ولماذا لم ينتهى الفساد حتى بعد رحيل الرئيس مبارك ؟"

ها ايه تعليقكم البيه اللي كان مع التغيير الكامل, اللي بيكتبه بيتناقض تماما مع اللي قاله في الحوار وعلي فكرة دي حاجات بسيطة من اللي بيكتبها وكان وفيه حاجات افظع توضح هو قد ايه ضد الثورة.

 في الحقيقة ان كريم حسين يريد شهرة فقط زيه زي "احمد سبايدر" والدليل علي ذلك انه ذهب الي الجزيرة مباشر مصر ليظهر علي شاشتها تخيلوا شخص يؤيد المخلوع يذهب الي الجزيرة صوت الثورة المصرية والعربية ليظهر علي شاشتها "منتهي التناقض"
كما ان الادمن المحترم بيضحك علي نفسه هو واللي بيدعمه وفاكر ان ال 80000 الف اللي عنده في الصفحة بيأيدوا مبارك ولكن في الحقيقة ان هناك حوالي 20000 مؤيدين لمبارك او اقل والباقي داخل عشان يشتم D:

والسؤال لكريم حسين:
منظرك هيبقي شكله وحش قوي وسوف تسقط بصفحتك عندما تدين التحقيقات مبارك في سرقة شعب وقتل المتظاهرين بأذن الله؟ عندها من يتعاطف معك سيتخلي عنك لانك ساعتها هتكون بتدافع عن حرامي وسفاح ادانه القضاء المصري

وفي النهاية زي ما انا قولت لك قبل كدة ان من حقك تعبر عن رأيك انت واتباعك ومن حقنا نتريق عليكم P:

التصنيفات: المجتمع