فلول لكن ظرفاء

الاثنين, مايو 09, 2011 تعليقان

هناك بعض منا عندما يشاهد مؤيدين مبارك يتعصب ويتضايق وضغطه يبقي عالي ولكن في الحقيقة انني عندما اريد ان اضحك اشاهد مؤيدين مبارك واشاهد اللي بيكتبوه واشاهد ارائهم في الثورة والثوار.
فعندما تسأل احد المؤيدين لماذا تدافع عن مبارك يقولك "اصله كان قائد في حرب "النكسة" "اصله عملنا كباري" واحنا بناشد اللواء المشير طنطاوي انه يسمعنا" علي اساس ان المشير ده اسمه.
ايضاً احمد سبايدر المغني المغمور اللي صوره مع البنات في اوضاع مخلة بالاداب العامة منتشرة في النت لما تشوفه وهو بيتكلم تحس انه قائد وثورجي قديم "تقولش احمد عرابي"
ايضاً فيهم عادة ينطبق عليها المثل اللي بيقول "بيصطاد في المياه العكرة" فلو حصلت حادثة مثلاً علي الطريق تخش علي صفحتهم تشوفهم كاتبين "اهو ادي انجازات الثورة اهي" تهكماً علي الثورة يعني وكأن مبارك مكنش بيحصل في عهده حوادث طرق ولا اي حاجة وان عهده كان نماء وتطور وحاجة فلة يعني.

اخر حاجة بقي اللي دايرة دلوقتي واللي تهلك من الضحك دلوقتي حرب "توم وجيري" اللي بين المعارضين والمؤيدين لغلق الصفحات علي الفيس بوك فعندما علم "كريم حسين" ادمن صحفة انا اسف ياريس عن الحملة المنظمة لغلق صفحة انا اسف يا مخلوع قام باخفاء الصفحة لمدة يوم كامل D: خوفاً علي صفحته من الالغاء

وفي النهاية:

قال البرت اينشتاين "الشيئان اللذان ليس لهما حدود،الكون و غباء الإنسان" نسيب الكون مش موضوعنا دلوقتي ونمسك في غباء الانسان, انا صدقت المقولة دي بعد ماشوفت مؤيدين مبارك وقيادتهم فوجدت ان غبائهم يصل لدرجة الكوميديا لدرجة انك متقدرش تمسك نفسك من الضحك لما تتفرج عليهم وتشوف  ارائهم في الثورة والثوار وكلنا اكيد شوفنا ام بطة وام سيد واحمد سبايدر والفلول الظريفة دي لذلك فهم يستحقوا لقب "فلول ولكن ظرفاء" بكل جدارة

التصنيفات: الحال المايل