توضيح هام جداً بخصوص ثورة الغضب المصرية الثانية

الأربعاء, مايو 25, 2011 لا توجد تعليقات

السلام عليكم ورحمة الله وبركاته 

نظراً لانتشار الاقاويل هنا وهناك والاشاعات التي لا اساس لها من الصحة قررت اوضح لكم شوية امور عن يوم 27/5 وحقيقة اليوم ده ايه.
اولاً: اللي نازلين اليوم ده مش علمانين ولا شيوعيين ولا ليبراليين اللي نازلين اليوم ده مصريين محسوش بأي تغيير زي وزيك كدة
ثانياً:اول مطالب قائمة عليه الثورة هو اعداد دستور اولا قبل الانتخابات البرلمانية واللي طبعا فيه قوي سياسية في مصر مش موافقة علي كدة وبدون ذكر اسماء هي "الاخوان المسلمون" وسبب المطلب ده هو الخوف من تحكم الاغلبية فى بنود الدستور فى حالة ما تم وضعه بعد انتخابات مجلس الشعب
ثالثاً:الدعوة لمجلس رئاسي مرفوضة تماماً ومتصدقش اي حد يقولك احنا نازلين عشان نسقط الجيش والمجلس العسكري ونجيب بداله مجلس رئاسي
رابعاً:الدعوة للاعتصام ايضاً مرفوضة تماماً فلا اعتصام فقط تظاهر ثم بعد ذلك الجميع يعود الي بيته وذلك حتي لاتقف الحياة العملية في مصر
خامساً:المطلب الاساسي لهذا اليوم هو سرعة محاكمة مبارك ورموز نظامه السابق علي جميع جرائمهم
سادساً:من مطالب هذا اليوم تطهير مؤسسة القضاء وتطهير جهاز الشرطة وعودة الأمن إلى الشارع وتطهير المحافظين وحل المجالس المحلية بالإضافة إلى ضرورة وضع حد أدنى للأجور لا يقل عن 1500 ج وحد أقصى لا يزيد على 15 ألف وعدم محاكمة المدنيين أمام محاكم عسكرية وتطهير كافة مؤسسات الدولة من كافة رموز الفساد.

هي دي المطالب يعني مفيش علمانيين ومفيش شيوعيين دول مصريين نازلين تحت عنوان "احياء الثورة" وكمان مفيش خراب للبلد وهدم للاقتصاد ولو انتم شايفين ان المطالب دي خراب للبلد يبقي ياريت الثورة مكانت حصلت

التصنيفات: المجتمع