السبت, أغسطس 06, 2011
وجدت ناس اعداء لبعض لما يصدقوا يتخانقوا والسباب بانواعه يشتغل حتي يصل الي سب الدين حتي يتطور الامر الي الشجار بالايدي دون اي مراعاة لحرمة شهر رمضان الكريم.
حزنت بجد لما شوفت الناس كدة في الشارع وحزنت لما وصلت اليه اخلاق الناس ياتري ماهو المبرر لكل ذلك هل هي هموم الناس هي التي تدفعهم لذلك ام ماذا؟ما رأيته امس اصابني بحالة من التشاؤم وجعلني اتسأل هما اللي كانوا في ميدان التحرير دول مش مصريين مصريين؟ وهل هذا السلوك سلوك اشخاص مصريين؟ لما لا تسود اخلاق ميدان التحرير او بمعني اصح "اخلاق الاسلام" في جميع انحاء جمهورية مصر العربية هتستفاد ايه لما تشتم ده وتسب ده وتسمك في خناق ده لمجرد انه داس علي قدمك او دفعك نتيجة الازدحام.
بجد احنا جوانا كويس والمعدن بتاعنا اصيل بس محتاجين نقف مع نفسنا وقفة نراجع فيها نفسنا ولازم نعرف اننا لابد ان نعمل بكل جهد لكي نقوم باصلاح اخلاق وسلوك الناس بجانب اصلاح الفساد الذي تراكم في مصر واننا مهما حاولنا القضاء علي هذا الفساد لن نستطيع طالما اخلاق وسلوك الناس متدهورة وتحتاج الي من يصلحها عشان كدة زي ماقلت في تدوينة سابقة لابد ان نقوم بثورة ضد انفسنا ومن حولنا سواء كانوا الجيران اوالاصدقاء او الاقارب ان نقوم بعمل ثورة ضد كل سلوك سئ في مجتمعنا حتي تكتمل ثورة الشعب المصري
التصنيفات: المجتمع
2 التعليقات:
التعليق الكلاسيكي هنا " إن الله لا يغير ما بقوم حتى يغيروا ما بأنفسهم "
ما تراه من شجار و عراك أمر طبيعي في أي مكان ، هما كفتين ميزان كفة للخير و كفة للشر .. ننتظر أن تزيد كفة الخير في القريب إن شاء الله
@محمد الدهيمي
انا اشعر ان كفة الخير اوشكت علي الفناء في مصر
إرسال تعليق