السبت, أغسطس 27, 2011
تعليق واحد
طبعاً كلنا عارفين اتفاقية كامب ديفيد وما تبعها من توقيع معاهدة السلام بين مصر واللى ماتتسماش
"اسرائيل" بس للاسف انا كنت فاكرها معاهدة سلام لحد "3 ثانوي" ولما فكرت في يوم وقريت بنود هذه المعاهدة حسيت باحباط شديد جداً واكتشف انها مش معاهدة سلام دي معاهدة ذل لمصر
المعاهدة دي ادت الي فقد مصر جزء من سيادتها علي سيناء.
يعني مكنش ليها لازمة ان احنا نحارب بقي لما عشان نحب ندخل قوات اضافية عسكرية الي سيناء عشان نقضي علي الخلية الارهابية الاخيرة في سيناء لازم ناخد الاذن الاول من
اللي ميتسموش.
ودي خريطة توضح المناطق محدود السلاح في سيناء وعدد القوات اللي المفروض لا يزيد الا بأذن اسرائيل وذلك طبقاً للاتفاقية
"مقدرش اقول اكتر من اللي قالوا النجم توفيق الدقن" صلاة النبي احسن,,,ارضنا وبناخد الاذن قبل ما ندخلها بقواتنا اي معاهدة دي اللي تفقدنا سيادتنا علي ارضنا وياسلام بقي لو طالبنا بتعديل الاتفاقية يترد عليك بجملة واحدة
"ممنوع الاقتراب او التصوير" وكأن الاتفاقية دي قرأن لا يجوز تعديله وكأن تعديل الاتفاقية دي يعني اعلان حرب بينا وبين
اللي ميتسموش مع ان جميع الاتفاقيات في العالم قابلة للتعديل او الالغاء الا الاتفاقية
"التيت دي".
عشان كدة بقي جه الوقت المناسب لتدخل روح ثورة 25 يناير وبأذن الله لن نسكت ونهدأ حتي يتم تعديل هذه الاتفاقية او يتم الغائها من الاساس حتي يتم وقف المهزلة التي تتعرض لها مصر طبقاً لاتفاقية العار التي سوف اضعها لكم اسفل حتي من يعلمها من لم يقرأ بنودها وعشان تعرفوا القرف اللي احنا فيه
حمل الاتفاقية من هنا صيغة PDF
التصنيفات: الحال المايل
1 التعليقات:
هذه الأتفاقية هى سبب ابتعاد مصر عن الصراع العربى الأسرائيلى من تاريخ ابرامها فى عام 1997..وعليه قامت اسرائيل بالأستفراد بالدول العربية واحدة تلو الأخرى حتى بات الوضع الذى نحن عليه الآن...وقد آن لأوان ان تسترجع مصر مكانتها عربيا ودوليا بأنهاء هذه الأتفاقية...زيادة على ذلك هو عدم سيطرة مصر على سينا بسبب نزع سلاحها..
إرسال تعليق