السبت, أكتوبر 15, 2011
ايام الثورة الناس هاجمتنا وشتمتنا لما قولنا ان احنا عايزين مجلس رئاسي مدني وقاموا بمبايعة المجلس العسكري المبجل اللي قال ايه "حمي الثورة",عايز اقول للناس دي بقي ايه رأيكم في المجلس العسكري دلوقتي؟ايه رأيكم في الثورة اللي اتسرقت؟
يقال ان من انجازات الثورة "خلع مبارك" ولكن للاسف ليست انجاز لاننا في الحقيقة استبدلنا مبارك بالمجلس العسكري الذي تولي زمام الامور للقضاء علي الثورة وقمعها حتي لا تنقطع المعونة الامريكية.
عارفين انه لايوجد نص في الدستور ينص ان يخول الرئيس صلاحياته للمجلس العسكري يعني المجلس العسكري مستمد شرعيته من الثورة طب ليه المجلس منحاز للفلول وبيقف ضد مطالب الثوار العادلة والتي تصب في مصلحة الوطن وتؤدي الي تطهير الوطن من الفاسدين.
فاكرين كمان ضباط 8 ابريل اللي المجلس عاقبهم عشان نزلوا ساندوا اخوانهم الشرفاء في الميدان واللي مرمين في السجن الحربي والتهمة "حب مصر" كانوا نازلين فاكرين ان فيه ثورة هتحميهم وتدافع عنهم لكن للاسف الثورة انطفئت وخذلتهم.
المجلس العسكري بيزعل لما الثوار بيهتفوا "يسقط حكم العسكر" طب هو مش حاسس باللي بيعمله ومخلي الثوار يهتفوا ضده, قمع حريات,اغلاق صحف,اعتقال نشطاء,وضرب في الثوار,,,الخ,المجلس بيسير علي نهج مبارك بظبط وفي الاخر مش عايزنا نهتف ضد حكمه طب تيجي ازاي؟
كل الشواهد تدل الان ان الثورة ضاعت واحنا اللي ضيعناها عشان كدة:-
نداء الي اصحاب القلوب الرحيمة ثورة تائهة من الشعب المصري عمرها 10 شهور من يجدها يتوجه بها الي ميدان التحرير
التصنيفات: الحال المايل
0 التعليقات:
إرسال تعليق