السبت, أكتوبر 15, 2011
طبعاً كلنا زمان كنا بنتفرج علي الابطال الخارقون زي "سوبر مان والرجل الاخضر,,,الخ" وكان عندهم قدرات لايصدقها عقل بس يظهر دلوقتي من كلام بعض الناس اللي بيتفرجوا علي "احمد سبايدر" كتير,ان شباب 6 ابريل اصبحوا هم ايضاً من الابطال الخارقون لقدرتهم علي التواجد في اكثر من حدث في وقت واحد.
زمان كنا بنلزق اي مصيبة في "الموساد الاسرائيلي" او "الماس الكهربائي " او "شخص مريض نفسيا" اما دلوقتي بنلزق المصايب في "شباب 6 ابريل".
لقد قام المجلس العسكري والحكومة باعلان الحرب علي حركة 6 ابريل منذ بيان 69 فاصحبت اي مظاهرة في البلد او اي مسيرة تنتهي باحداث عنف بيكون سببها 6 ابريل.وقس علي ذلك:-
- مسيرة العباسية
- يوم 9/9 واحداث السفارة
- حتي احداث ماسبيرو طلع احمد سبايدر وقال ان 6 ابريل هي اللي وراء تلك الاحداث
يعني ده كان ناقص كمان يقولوا ان 6 ابريل وراء ضياع الكأس من "الزمالك"
القضية الان لم تصبح اتهام الحركة بتمويل اجنبي فقط بل اصبح الاتهام يشمل خيانة الوطن ومحاولة نقسيمه "علشان الناس تكره 6 ابريل وبتالي تفقد الحركة دعم وثقة الشارع المصري"
علشان كدة احب اسأل كل شخص لسة عنده عقل يستطيع التفكير به:-
1-ماذا تفعل 6 ابريل لكي تأخذ تمويل اجنبي؟
2-هل من يحب مصر الان يصبح من العملاء؟
2-هل من يحب مصر الان يصبح من العملاء؟
3-من الاحق لكي يتهم بالعمالة المخلوع ورجاله الذين كانوا عملاء لاسرائيل وامريكا ام 6 ابريل التي تعد من اوائل الحركات التي شاركت في الثورة.؟
4-هل يصبح عميل وخاين من يطالب بانهاء حكم العسكر الذي اثبتوا فشلهم في ادارة الفترة الانتقالية او من يطالب بتطبيق قانون الغدر علي المفسدين من اعضاء الحزب الوطني او من يريد ان يكون القضاء المصري قضاء مستقل لاسلطة عليه وغيرها من المطالب التي تضع مصر علي الطريق الصحيح لبناء دولة مدنية ديمقراطية؟
وعجبي
التصنيفات: الحال المايل
1 التعليقات:
الثورة دي فيها ايه ؟ فيها فيل فيل فيل
إرسال تعليق