الاغلبية الجاحدة

الخميس, نوفمبر 03, 2011 تعليقان

لا احد ينكر ان هناك اغلبية صامتة عن الاحداث الحالية في مصر بس مش كل واحد ضد الثورة يطلع يلبس عباية الاغلبية الصامتة لانه في الحقيقة من الاغلبية الجاحدة علي ثورة 25 يناير والثوار وبيحاولوا يشوهوا صورتهم سواء بالعمالة او بالخيانة.
بعد فقدان منتفعي النظام السابق فاسدهم مبارك يقومون الان بمحاولة تجميل صورة المجلس العسكري لانه في الحقيقة امتداد لنظام مبارك وهو املهم الاخيرلبقاء النظام السابق.
وفي المقابل يدعمهم المجلس العسكري عن طريق اعتقال النشطاء في تهم مثل احداث ماسبيرو والسفارة الاسرائيلية مما يمثل تأكيداً للشارع  المصري للاتهامات التي تلقيها هذه الاغلبية الجاحدة علي النشطاء.
وتتثمل هذه الاغلبية في جماعة "اسفين ياريس اوابناء مبارك" الذين اسسوا عدة ائتلافات ليتخفوا وارائها لما يعملوه من كره الناس لمبارك فقاموا بتأسيس "ائتلاف 19 مارس" "ائتلاف روكسي" وغيرها من الائتلافات المشبوهة المتشعبة من جماعة "اسفين ياريس"
وفي الحقيقة ابناء الفاسد الكاذب مش هيبقوا انبياء فهم يتبعون نفس اسلوبه القذر في الكذب وخداع المصريين بشبح الامن والمؤامرة ,وللاسف الناس بتصدق.
وبعد انتشار خبر يؤكد تلقي جماعة "اسفين ياريس" لتمويلات خليجية وتجميد ارصدة لاعضاء منهم ,الموضوع عدي ولا كأن فيه حاجة والناس معلقتش ومتكلمتش والمجلس كمان عمل نفسه عبده العبيط.
ايام الثورة كان النظام بيقول علينا اجندات وعملاء وعايزين نقسم مصر والناس مكنتش بتصدق وكانت بتتريق عليهم,ايه اللي حصل بقي اشمعني الناس بقت تصدق الكلام ده دلوقتي؟,ماهو نفس الكلام بس بيتقال من المجلس العسكري وبقايا النظام السابق.

التصنيفات: الحال المايل