الخميس, ديسمبر 30, 2010
لا توجد تعليقات
السلام عليكم ورحمة الله وبركاته ازيكم يا قراء المدونة الاعزاء عاملين ايه انهاردة فيه موضوع مهم جدا عن الشتيمة والالفاظ اللى بقت علنى على القنوات الفضائية انا مش عارف ناقص ايه تانى يقولوه من بعد سباب المذيعين لبعض ومراسل يغلط فى مراسل بالام و مذيع يقول نكتة خادشة للحياء على الهواء ومشاهد خارجة فى بعض الافلام فاضل ايه تانى يقولوه ويعرضوه كالعادة كله بيمر مرور الكرام والله ببقى خايف على عائلتى وهما بيتفرجوا على التليفزيون من اى مشهد خارج او لفظ جارح ماهى الحكاية بقت عادية كدة مش عارف كل واحد دلوقتى معاه فلوس يروح يعمله قناة ويعمل برامج يهاجم بيها خلق الله وفى الاخر يتلزق فى حجة احنا اعلام حر احنا فى عصر الانترنت والفيس بوك على اساس ان عصر الانترنت والفيس بوك بيمنع الحياء او بيقول لا للحياء
انا من رأيى يجيبوا المذيع الصينى اللى لو اتنرفز وغضب ويجى يقول لفظ خادش للحياء بدل ما يقول اللفظ يقول (
تيييييييييييييييييت) ولو جيه يقول نكتة خادشة للحياء يقول قبلها
"تنبيه تنبيه للكبار فقط"
ولا انت ايه رأيك يا حاج ابراهيم؟
وعجبى
التصنيفات: الحال المايل
0 التعليقات:
إرسال تعليق