الخميس, يناير 06, 2011
ازيكم يا زوار المدونة الاعزاء
عارفين الامير هنريك زوج ملكة الدنمارك تعرض لموقف مسخرة موقف قليل قوى ونادرا لما واحد من الناس المشهورة دى تتعرض له الراجل كان عنده حفل استقبال فى قصر "أمالينبورج" وكان لابس الحتة اللى على الحبل وواقف جنب مراته عادى خالص فى امان الله فجأة لاقينا المصورين سايبين كل الحفل ومركزين فين على سوستة بنطالون البيه اللى كانت مفتوحة ياخبر ابيض!!
وخد عندك بقى كمية التريقة اللى فى صحف العالم طبعا" اتفضح فى العالم" ومن ابرز الافيهات بقى ،، كانت فى صحيفة المانية اسمها بيلد كتبت الخبر تحت عنوان يوم "الباب المفتوح فى القصر الملكى الدنماركي". ههههههههه
انا مش عارف يعنى (الراجل ده لبس وموقفش قدام المرايا يعدل نفسه) بلاش دى ،(المدام مشفتهوش) بلاش دى كمان ، مفيش خدم عنده او لبيس يشوفها ويقوله
هو فيه احتمال واحد وانا مرجحه الصراحة
ممكن يكون جاميكا كان محصور اثناء الحفل المهم بعد ما جاميكا فك عن نفسه كان مستعجل عشان يلحق الناس فى الحفل هههههههههه
وعجبى
D:
التصنيفات: ساعة لقلبك
0 التعليقات:
إرسال تعليق