الخميس, أبريل 14, 2011
حبيت اقدم شعر كدة علي الماشي للمخلوع وتلامذته من المؤيدين بمناسبة الحبس 15 يوم "عقبال الاعدام" وذلك رداً عليهم لسبهم الثورة وشباب الثورة ووصلت بهم الحقارة الي سب شهداء الثورة كما نري في الثورة التالية من احد المؤيدين
ريسنا سارقنا
دى اكتر مره بنتلم وننزل ثورة ونهتم
مش انت سارقنا انا وغيري وبينا شهداء ودم
دي اكتر مرة بنهتم وبندعي عليك في العصر
في غيرتي وجع قلبي يا قلبي علي شهداء مصر
لما قالو انك سارقنا شوفت صورة الظلم فيك
نفسي اطير وفي ثانية واحدة امد ايدي واقبض عليك
ريسنا ريسنا ده سارِقِنا وقَتِلِنا ودايما مِفَلِسنا
ده معاك عمرنا ما فرحنا وفي عهدك اتفضحنا
رئيس سجن وظلم كتير وفي حكمك اتفحتنا
كلنا بالقصد جينا واتظاهرنا من غير نفاق
مصر عايزة اللحظة دي عايزة منا الانتماء
ريسنا ريسنا ده سارِقِنا وقَتِلِنا ودايما مِفَلِسنا
جميع الحقوق محفظة لمدونة عم محسن واي حد عايز ينقل الشعر يذكر المصدر
ملاحظة:
احب اقول والله العظيم انا مش شمتان في حد فقد علمني ديني الا اشمت في احد وانما هذا ردا علي الباكين علي الجلاد الذين لم يكونوا عايشين في مصر وفي نفس الوقت فرح بأن الشعب المصري ان شاء الله هياخد حقه من اللي ظلمه سواء حسني او اولاده او عصابته وفلوسنا هترجع بأذن الله
واخيراً وليس اخراً:
"ﺍﻷﺣﺮﺍﺭ ﻳﺒﻜﻮﻥ ﺷﻬﺪﺍﺋﻬﻢ ...ﻭﺍﻟﻌﺒﻴﺪ ﻳﺒﻜﻮﻥ ﺟﻼﺩﻫﻢ",,, مصطفي محمود
التصنيفات: الحال المايل
0 التعليقات:
إرسال تعليق