الخميس, أبريل 14, 2011
فاكرين صاحبنا اللي احنا عملنا عشانه التدوينة دي
"تحية الي محبي العبودية" هو هو انهاردة معانا بس بتدوينة تكشف لكم قد ايه الناس دي اما جاهلة سياسيا او محبة للفساد، وكالعادة لازم نمسك التدوينة حتة حتة عشان نضحك سوا
----------------------------------------------------------------------------------------------------------
التدوينة بعنوان :ليلة السطو علي الامير الوليد بن طلال
يا سلام تخيلوا انتوا لما نرجع الارض اللي اتباعت برخص التراب واتاخد فيها عمولات من تحت الترابيزة يبقي كدة سطو لما نرجع الارض بتاعتنا يبقي سطو تقريبا المدون ده مش مصري ولا ايه D:
----------------------------------------------------------------------------------------------------------
لما هما عايزين ياخدو نصف الارض بتاعة الامير الوليد بن طلال ويدوها لشباب الثورة ب50 جنية..وهو السعر اللي اشتراه بيها الارض الامير يعني كدة مش اهدار مال عام بردوة؟!!!
احب اقولك يا حبي ان الوليد بن طلال اجنبي وانت اديته ارض مساحتها تساوي مساحة دولة قطر انت عارف لو اديت الارض دي لشباب بلدك يا ذكي عشان يزرعوها هحصل ايه
اولا الانتاجية الزراعية عندك هتزيد
ثانيا معدلات البطالة هتنخفض
ثالثا هتخف الضغط السكاني علي الدلتا والقاهرة الكبري
فهمت يا بابا
----------------------------------------------------------------------------------------------------------
هو الراجل غلط لما عمل شركة لاستصلاح الارض الصحراوية دة المفروض ياخدها ببلاش مادام هيزرعها
طبعا وانت تلميذ مين ما انت تلميذ مبارك الراعي الرسمي للخصخصة "قال وبيقول علينا هدفنا اسقاط دولة " اومال انتم هدفكم ايه بقي لما مش ممانعين ان مستثمر اجنبي ياخد ارض مساحتها مساحة دولة ببلاش عشان هيزرعا "صلاة النبي احسن "علي اساس ان كل خير الارض اللي هيطلع هيبقي ليك وعلي اساس انه ماشاء الله استصلحها وزرعها وعمل كل حاجة احب اقولك ان الوليد ماستصلحش الا 1000 فدان بس عارف من اصل ايه ولا مش عارف من اصل 100000 فدان
----------------------------------------------------------------------------------------------------------
مصر استفادت اية لما اخدتها من الراجل وباعتها بنفس السعر للثوار الحلوين الطعمين
طبعا كتابتك للتدوينة دي واللي قبلها واللي قبلها بيبان في كلمة منها الدافع بتاعك ايه وهو كرهك للثورة والثوار عارف ليه عشان مش هتعرف تستفاد من الفساد اللي كان قائم خلاص عشان الثورة خلعت مبارك رمز الفساد الي الابد ان شاء الله
----------------------------------------------------------------------------------------------------------
هو اسم بلدنا اتغير الي جمهورية مصر البلطجية؟!! لا اله الا الله كنا 85 مليون ..دلوقتي نصنا عندة ضغط وقلب وخوف ورعب
كان اسمنا ايام مبارك يا خفيف جمهورية مصر الفاسدة والمكروهة والمضروبة بالجزمة من كل دول العالم سواء العربي او الغربي مكانش لينا اي كرامة وكان الشعب "معظمة مش نصه" عنده سرطان وقلب وسكر وضغط وفشل كلوي عارف ليه من الفساد والقرف اللي كان موجود ايام مبارك ومن المبيدات والاكل المسرطن اللي احنا بناكله كل يوم
عندما اري تعليقات واراء مؤيدين المخلوع الذين تحولوا الي "عبدة المخلوع مبارك" التي لا اساس لها من الصحة احتار بين امرين اما انهم اغبية سياسيا كما تبين من تدوينة احدهم او انه مجرد كره للثورة ومحبة للفساد التي اطاحت به الثورة وانا اشك انه الامرين معا كيف تري انت مؤيدين المخلوع؟
التصنيفات: الحال المايل
0 التعليقات:
إرسال تعليق